Escambis Occitans de la Davalada 2022 - Echanges Occitans de l'Automne

Es pas totjorn aisit de trapar d'occitan sul territòri linguistic d'Occitània, subretot dins l'espaci public. Pasmens, buta la volontat de se reapropriar aqueles endreches en donant mai de preséncia a la lenga.

Cossí rendre l'occitan mai visible dins l'environament de nòstres quotidians ?

Cadun i soscam a nòstra escala, çaquelà, los Escambis Occitans de la Davalada prepausan de crozar las agachas e experiéncias d’estudiants, artistes, professors, entrepreneires, productors, jornalistas, benevòls d'associacions, membres de collectivitats publicas, d’oficis de torisme e actors del privat. Dich autrament, vos convidam a participar a de soscadissas collectivas per tot simplament mutualizar de practicas e d'aisinas, o mai ambiciosament, traire de l’intelligéncia collectiva d’idèias nòvas.

Per alimentar la reflexion e enriquesir los escambis vos prepausam de passar de la teoria a la practica e de crear d’afichetas serigrafiadas que poiràn prene una plaça polida dins nòstras vidas vidantas.

Coma en 2021, los EOD se faràn a la MFR de Colonha, dins Gers. Informacions d'accès sul site de la MFR : http://www.mfrcologne.fr/page-143-infos-pratiques--transports-.html

Mèfi : lo nombre d'escambiaires es limitat a 40 personas.